Video Studiya: ilk videonu sifariş etmək

Yeni video sifariş etmək üçün yuxarıdakı «Video yarat» düyməsini basın. «Yeni video» pəncərəsi açılır. Əvvəlcə mövzunu yazın. Mövzu nə qədər konkret olsa, ssenari də o qədər güclü olar. Biz belə yazırıq: «LinkedIn profiliniz və CV-niz arasındakı ziddiyyətlər sizi işdən edə bilər». Mövzu fikirləşmək istəmirsinizsə, «Bazadan götür» düyməsini basın və Mövzu Bankından hazır mövzunu seçin. Sonra «Kreativ Video Stili»ni seçin. Biz Glassmorphism Premium stilini seçirik. «Video uzunluğu» videonun neçə saniyə olacağını göstərir. Balansınızdan da məhz bu saniyələr çıxılır. Sosial şəbəkələr üçün otuz-qırx saniyə adətən kifayətdir. «Ölçü» videonun formatıdır. Reels, TikTok və Shorts üçün şaquli, doqquza on altı formatını, YouTube üçün isə geniş, on altıya doqquz formatını seçin. «Səsyazma mətni» sahəsi istəyə bağlıdır. Öz mətniniz varsa, bura yazın. Boş saxlasanız, ssenarini Wisppilot özü yazacaq. Altında seçdiyiniz uzunluğa neçə söz sığdığını görürsünüz. «Kreativ Direktora qeyd» sahəsinə xüsusi istəyinizi yazın. Məsələn: səhnələr ofis mühitində olsun, ya da əsas personaj gənc qadın olsun. «Referans şəkillər» bölməsinə məhsulunuzun və ya məkanınızın şəkillərini yükləyə bilərsiniz. Wisppilot onlardan videoda nümunə kimi istifadə edəcək. «Video parametrləri» bölməsində altyazını, loqonu, fon musiqisini, intronu, outronu, səs effektlərini və çağırış mətnlərini bir kliklə açıb-bağlayırsınız. Bunların hamısı «Mənim Şirkətim»dəki ayarlardan götürülür. Eyni ayarlarla tez-tez video sifariş edirsinizsə, yuxarıdakı «Şablonlar» menyusundan istifadə edin. Ayarları şablon kimi saxlayın, növbəti dəfə isə formanı bir kliklə doldurun. Hər şey hazırdırsa, «Video yarat» düyməsini basın. Aşağıdakı qeydə də diqqət edin: süni intellekt səhv edə bilər, ona görə videonu paylaşmazdan əvvəl mütləq yoxlayın. Növbəti dərsdə ssenarini təsdiqləyəcəyik və videonun hazırlanmasını izləyəcəyik.