Final video mərhələsində Sifarişçi səhnə üzərində iki növ düzəliş tələb edə bilər:
(a) səhnədəki konkret detalın (obyekt, personaj, rəng, mətn və s.) dəyişdirilməsi, yaxud
(b) səhnənin tamamilə yenidən qurulması. Detal dəyişikliyi tələb edildikdə qrafika və vizual tərtibat eyni qalır — yalnız həmin element dəyişdirilir. Lakin səhnə texniki olaraq yenidən generasiya olunduğu (re-render) üçün səhnədəki hərəkət, kamera bucağı və animasiya axınında
20–30%-ə qədər fərq yarana bilər. Bu, süni intellekt əsaslı video generasiyasının təbii xüsusiyyətidir və qüsur sayılmır.
Kiçik bir tövsiyəmiz: Səhnə düzəlişini yalnız həqiqətən zəruri olduqda istəməyinizi məsləhət görürük. Səbəbi odur ki, generativ süni intellekt eyni səhnəni ikinci dəfə tam eyni şəkildə yarada bilmir. Yenidən qurulma zamanı sizin dəyişdirilməsini istədiyiniz elementdən əlavə, səhnənin digər hissələri də təxminən 20–30% fərqlənə bilər. Bunun komandamızın işi və ya keyfiyyəti ilə heç bir əlaqəsi yoxdur — bu, sadəcə hazırkı texnologiyanın məhdudiyyətidir. Əlbəttə, düzəliş sizin üçün vacibdirsə, məmnuniyyətlə həyata keçirəcəyik. Sadəcə istəyirik ki, bunu əvvəlcədən biləsiniz.